შპს "ნესტლე საქართველო" გიწვევთ, შემოუერთდეთ ჩვენს გუნდს და მონაწილეობა მიიღოთ ანაზღაურებად IT სტაჟირების პროგრამაში, რომელიც პროფესიული განვითარების უნიკალურ შესაძლებლობას გაძლევთ!

ნესტლე — არის მსოფლიოში ერთ-ერთი უმსხვილესი კვების პროდუქტების მწარმოებელი კომპანია, რომლის მისიაა ცხოვრების ხარისხის გაუმჯობესება და ჯანმრთელი მომავლის შექმნაში წვლილის შეტანა. ჩვენს მომხმარებლებს მრავალფეროვან პროდუქციას ვთავაზობთ, რომელიც არა მხოლოდ ადამიანების, არამედ მათი საყვარელი შინაური ცხოველების ცხოვრებასაც აუმჯობესებს. ნესტლეს პორტფელი მოიცავს 2000-ზე მეტ ბრენდს, მათ შორის: NESCAFÉ, Maggi, KitKat და Nesquik.

კომპანიის ისტორია იწყება 150 წლის წინ, შვეიცარიაში და დღემდე ვაგრძელებთ ინოვაციებს, ხარისხზე ორიენტირებას და ღირებულებების ერთგულებას.

სტაჟიორის ძირითადი ფუნქციებ:

** IT გუნდის მიმდინარე ოპერაციული პროცესების მხარდაჭერა;

** ტექნიკური მხარდაჭერა პროგრამული და აპარატურული საკითხების ფარგლებში;

** მონაცემთა ბაზებთან და სისტემებთან მუშაობა;

** შიდა ინციდენტების და მოთხოვნების მართვა IT სისტემებში;

** IT დოკუმენტაციის წარმოება და განახლება.

საჭირო კვალიფიკაცია და უნარები:

** უმაღლესი განათლება ინფორმაციული ტექნოლოგიების ან მასთან დაკავშირებულ სფეროში, დამამთავრებელი კურსის სტუდენტი ან კურსდამთავრებული.

** ტექნიკური, ანალიტიკური აზროვნება;

** Microsoft Office-ის პროგრამების ცოდნა;

** საბაზისო ცოდნა ქსელური ინფრასტრუქტურის, კომპიუტერული სისტემების და IT უსაფრთხოების პრინციპებში;

** ინგლისური და რუსული ენების საკომუნიკაციო დონეზე ცოდნა;

** დეტალებზე ორიენტირებულობა, პასუხისმგებლობა და ინიციატივიანობა.

ჩვენ გთავაზობთ:

** 1 წლიან ანაზღაურებად სტაჟირებას IT მიმართულებით;

** ჯანმრთელობის დაზღვევას;

** კვების დანამატს;

** სრულ სამუშაო დღეს დინამიკურ და მეგობრულ გუნდში;

** პროფესიული ზრდისა და სწავლის შესაძლებლობას რეალურ პროექტებზე მუშაობის გზით;

** გამოცდილების მიღების შესაძლებლობას მსოფლიოში ცნობილ კომპანიაში, სადაც თქვენი იდეები და ინიციატივები დაფასებული იქნება. 

დაინტერესების შემთხვევაში, გთხოვთ, გამოაგზავნოთ თქვენი რეზიუმე ელ. ფოსტაზე: jobs@nestle.ge

განაცხადების მიღების ბოლო ვადაა - 2025 წლის 16 მაისი.

Subject-ში მიუთითეთ: IT სტაჟირება

გახდით ნესტლეს გუნდის ნაწილი — სადაც თითოეული თანამშრომლის წვლილი ფასდაუდებელია ჩვენი საერთო მიზნების მიღწევაში.

ველით თქვენს განაცხადს!

რეზიუმეს გამოგზავნით თქვენ ეთანხმებით, რომ თქვენი პერსონალური მონაცემები დამუშავდება შპს "ნესტლე საქართველოს" მიერ, Nestlé Group-ის შიდა მოთხოვნებისა და საქართველოს მოქმედი კანონმდებლობის შესაბამისად. მონაცემები შეინახება არაუმეტეს 3 წლის ვადით და გამოიყენება არსებული და/ან სამომავლო ვაკანსიების შერჩევის მიზნებისთვის.

დამატებითი ინფორმაციისთვის ან მონაცემების მართვის მოთხოვნის შემთხვევაში, გთხოვთ, დაგვიკავშირდეთ: jobs@nestle.ge

გისურვებთ წარმატებას!