"PepsiCo" წამყვანი საერთაშორისო კომპანიაა კვებისა და სასმელების სფეროში და ოპერირებს მსოფლიოს 200-ზე მეტ ქვეყანაში. მისი მრავალფეროვანი და ცნობილი ბრენდების პორტფელიდან საქართველოში წარმოდგენილია: რძის კატეგორიიდან - "სოფლის ნობათი", "Чудо", "Домик в деревне" და "რჩეული"; წვენების კატეგორიიდან - "Sandora", "Садочок", "Фруктовый Сад"; სნეკების კატეგორიიდან - "Lays", "Doritos", "Хрус Team"; გაზირებული სასმელების კატეგორიიდან - "Pepsi", "Mirinda", "7Up", "Aquafina", "Lipton".

"PepsiCo" უკვე ზედიზედ მეშვიდე წელია სერტიფიცირებულია როგორც საუკეთესო დამსაქმებელი - TOP Employer 2024 ევროპასა და საქართველოში, ხოლო მეოთხე წელია საუკეთესო დამსაქმებელია გლობალურად. ტიტული კომპანიას ენიჭება პერსონალის მართვის გამორჩეული პრაქტიკების დანერგვისა და განხორციელებისათვის.

შემოგვიერთდი, როგორც სტაჟიორი ადამიანური რესურსების მართვის მიმართულებით და 1 წლის განმავლობაში ჩაერთე ყოველდღიურ საქმიანობაში, იმუშავე სხვადასხვა დავალებებზე, გაიარე ტრენინგები სხვადასხვა უნარების განსავითარებლად და ჩამოყალიბდი პროფესიონალად საერთაშორისო გუნდთან ერთად!

რა ამოცანებია შესასრულებელი:

** პერსონალის ფორმალური დოკუმენტაციის წარმოების პროცესში ჩართულობა (აყვანა, პირადი საქმეების მართვა, განთავისუფლება, გადაყვანა, დისციპლინური გადაცდომა, საკონტრაქტო პირობების ცვლილება და სხვ.)

** წინა სახელფასო დოკუმენტაციის წარმოებაში ჩართულობა

** ორგანიზაციული კლიმატის კვლევის პროცესში ჩართულობა

** ორგანიზაციული სტრუქტურის, პერსონალის რიცხოვნობის განახლებაში ჩართულობა

ვის ვეძებთ:

** ბიზნესის ადმინისტრირების, ფსიქოლოგიის ან მსგავსი მიმართულებების კურსდამთავრებულები

** სტაჟირების გამოცდილება HR სფეროში, ადმინისტრაციულ საქმიანობაში, დოკუმენტაციის წარმოებაში ჩაითვლება უპირატესობად

** უცხო ენების ფლობა: ინგლისური B2+ დონეზე

** MS Office პროგრამების, განსაკუთრებით MS excel ცოდნა

** ეფექტური კომუნიკაციის უნარი

** ანალიტიკური აზროვნება

** დეტალებზე ორიენტირება

** სრულ განაკვეთზე მუშაობის შესაძლებლობა

რას გთავაზობთ:

** პეპსიკოს პროფესიონალთა გუნდთან ერთად მუშაობა და მხარდაჭერა

** ადამიანური რესურსების მართვის მიმართულებით ფუნქციონალური განვითარება

** ადგილმდებარეობა: ფონიჭალა

** ჰიბრიდული სამუშაო გრაფიკი სრული განაკვეთით: 09:00 - 18:00 სთ

** ანაზღაურება: 900 ლარი

** ხანგრძლივობა: 12 თვე

** ჯანმრთელობის დაზღვევის პაკეტი

** ტრანსპორტირება (მ/ს ისანი)

** კვება

თუ თქვენი პროფილი შეესაბამება აღნიშნული პოზიციის საკვალიფიკაციო მოთხოვნებს, გამოგზავნეთ თქვენი რეზიუმე მისამართზე: career.caucasus@pepsico.com 25 მაისამდე და მიუთითეთ ვაკანტური პოზიციის დასახელება ელ-ფოსტის სათაურის ველში.

გთხოვთ გაითვალისწინოთ რომ რეზიუმეს გამოგზავნით, თქვენ აცხადებთ თანხმობას კომპანიის მიერ თქვენი პერსონალური მონაცემების დამუშავებაზე (შეგროვება, ჩაწერა, სისტემატიზაცია, მოგროვება, შენახვა, განახლება, შეცვლა, ამოღება, გამოყენება, ბლოკირება, წაშლა, განადგურება) და/ან მათი ავტომატიზაციის საშუალებების გამოყენებით ან მის გარეშე იმ ადგილობრივ ან საერთაშორისო ორგანიზაციებისთვის გადაცემაზე, რომლებთანაც კომპანია ახორციელებს ურთიერთქმედებას შესაბამისი ხელშეკრულებების საფუძველზე.