სოფლის განვითარების სააგენტო ახორციელებს საქართველოს გარემოს დაცვისა და სოფლის მეურნეობის სამინისტროს მიერ ინიცირებულ პროექტებსა და პროგრამებს, ქვეყნის 54 მუნიციპალიტეტში ეწევა საექსტენციო საქმიანობას სოფლის მეურნეობის მიმართულებით. სააგენტოს მიზანია სოფლისა და სოფლის მეურნეობის განვითარების ხელშეწყობა.

ა (ა)იპ - სოფლის განვითარების სააგენტო, საქართველოში გაეროს განვითარების პროგრამის მხარდაჭერით, "პროფესიული განათლების სისტემის მოდერნიზება საქართველოს სოფლის მეურნეობაში" პროექტის ფარგლებში, აცხადებს სტაჟირებას რეგიონულ სამსახურებში:

** გურიაში - ოზურგეთი, ლანჩხუთი, ჩოხატაური;

** იმერეთში - ზესტაფონი, ბაღდათი, ვანი, თერჯოლა, სამტრედია, საჩხერე, ტყიბული,

** რაჭა-ლეჩხუმსა და ქვემო სვანეთში - ამბროლაური, ლენტეხი, ონი, ცაგერი;

** სამეგრელო-ზემო სვანეთში - ზუგდიდი, აბაშა, მარტვილი, მესტია, სენაკი, ჩხოროწყუ, წალენჯიხა, ხობი;

** სამცხე-ჯავახეთში - ახალციხე, ადიგენი, ასპინძა, ახალქალაქი, ბორჯომი, ნინოწმინდა;

** აჭარაში - ბათუმი, ქედა, ქობულეთი, შუახევი, ხელვაჩაური, ხულო.

სტაჟირების ხანგრძლივობა: 3 თვე.

განრიგი: არასრული, შეთანხმებით.

ყოველთვიური ანაზღაურება: 210 ლარი (საქართველოში მოქმედი გადასახადების ჩათვლით).

სოფლის მეურნეობის დარგით დაინტერესებულ პირებს ვთავაზობთ, მიიღონ ცოდნა და გამოცდილება შემდეგ საქმიანობაში:

** სოფლის მეურნეობის ექსტენცია (ცოდნის გაზიარება) შემდეგი დარგობრივი მიმართულებებით: მეხილეობა, მებოსტნეობა, მცენარეთა დაცვა, მევენახეობა (შერჩევით);

** სააგენტოში მიმდინარე სახელმწიფო პროექტების/პროგრამების შესახებ მოსახლეობის კონსულტირება;

** რეგიონში/მუნიციპალიტეტში სააგენტოს მიერ ჩასატარებელი ღონისძიებების, საველე და საოფისე შეხვედრების დაგეგმვა/კოორდინაცია/ჩატარება;

** საველე ვიზიტები ფერმერებთან - "მინდვრის დღე";

** პრეზენტაციების მომზადება და ჩატარება.

მოთხოვნები კანდიდატისადმი:

** ქართული ენის ცოდნა;

** პროფესიული სასწავლებლის სტუდენტი (უპირატესობა მიენიჭება) ან უმაღლესი საგანმანათლებლო დაწესებულების არანაკლებ მე-2 კურსის სტუდენტი;

** კომპიუტერული საოფისე პროგრამების საბაზისო ცოდნა;

** კომუნიკაბელური;

** პასუხისმგებლიანი;

** დროის სწორად მართვის უნარი.

კონკურსის ეტაპები:

** მიღებული განაცხადების გადარჩევა.

** გასაუბრება.

დაინტერესების შემთხვევაში, გთხოვთ, გამოგზავნოთ რეზიუმე (CV) ელ. ფოსტის მისამართზე: hr@rda.gov.ge და სათაურის ველში მიუთითეთ: "სტაჟირება" და სასურველი მუნიციპალიტეტი. რეზიუმე დაასათაურეთ თქვენი გვარითა და სახელით.

განაცხადის მიღების ბოლო ვადაა 2025 წლის 21 თებერვალი.

დაკავშირება მოხდება მხოლოდ რეზიუმეების გადარჩევის შედეგად შერჩეულ კანდიდატებთან. არასრული/არაზუსტი ინფორმაციის მოწოდების შემთხვევაში, თქვენი კანდიდატურა არ განიხილება.

თქვენ მიერ გამოგზავნილი რეზიუმე, რომელიც შეიცავს პერსონალურ მონაცემებს, დამუშავდება "პერსონალურ მონაცემთა დაცვის შესახებ" საქართველოს კანონისა და ა (ა)იპ - სოფლის განვითარების სააგენტოს პერსონალურ მონაცემთა დაცვის პოლიტიკის (https://rda.gov.ge/static/privacy-policy) შესაბამისად, არსებულ და/ან სამომავლო ვაკანსიის მოთხოვნებთან შესაბამისობის დადგენისა და დასაქმებისათვის საჭირო პროცედურების წარმართვის მიზნით. კანდიდატის შესახებ პერსონალური მონაცემების შესახებ ინფორმაცია შეინახება განაცხადის მიღებიდან 3 წლის ვადით. მხოლოდ იმ შემთხვევაში, თუ ეთანხმებით ზემოთ აღნიშნულს, გთხოვთ, გამოგვიგზავნოთ თქვენი რეზიუმე.

ამასთანავე, გაცნობებთ, რომ "პერსონალურ მონაცემთა დაცვის შესახებ" საქართველოს კანონის თანახმად, უფლება გაქვთ ნებისმიერ დროს მიიღოთ ინფორმაცია თქვენს შესახებ დამუშავებულ მონაცემთა თაობაზე, მოითხოვოთ მათი გასწორება, განახლება, დამატება, დაბლოკვა, წაშლა და/ან განადგურება, ასევე, გამოიხმოთ პერსონალური მონაცემების დამუშავებაზე გაცემული თანხმობა წერილობით შემდეგ ელ.ფოსტაზე: hr@rda.gov.ge შეტყობინების გაგზავნით ან/და ფოსტის მეშვეობით ა (ა)იპ - სოფლის განვითარების სააგენტოს ს/კ 4047923785 მისამართზე: ქ. თბილისი, ს.ახმეტელის 10ა.

მადლობა დაინტერესებისთვის.

გისურვებთ წარმატებას!