"ჰანიველ ცემენტი" საქართველოში 2006 წლიდან ოპერირებს და წამყვან ბრენდს წარმოადგენს ცემენტის და ბეტონის ადგილობრივ ბაზარზე. კომპანია ფლობს ცემენტის ქარხნებს კასპში და რუსთავში ასევე ცემენტის წისქვილს ფოთში და ცემენტის ტერმინალს სუფსაში. "ჰანიველ ცემენტი" კლინკერის ერთადერთი მწარმოებელია საქართველოში. ბეტონის პირველი ქარხანა ქვეყანაში 2009 წელს ამოქმედდა. ამჟამად "ჰანიველ ცემენტი" ბეტონის 15 ქარხანას ითვლის.

"ჰანიველ ცემენტი" აცხადებს ანაზღაურებად სტაჟირებას რუსთავის ცემენტის ქარხანაში საშრობი დოლის მემანქანის პოზიციაზე.

სამუშაო ლოკაცია: რუსთავი, მშენებელთა ქუჩა 70.

სამუშაო გრაფიკი: ორშაბათი-პარასკევი, 08:00-17:00.

ვაკანტური პოზიციების რაოდენობა: 1

ძირითადი მოვალეობები:

** რეგლამენტის მიხედვით ცვლის მიღება-ჩაბარება;

** ცვლის მიღების შესახებ უფროსის ინფორმირება, მისგან განკარგულების მიღება მუშაობის რეჟიმის შესახებ;

** სისუფთავის დაცვა სამუშაო ადგილას. ჩამოყრილი და დაბნეული მშრალი და ნედლი თიხის დროული აღება;

** კონტროლი გაუწიოს თიხის გამომტანის, საშრობი დოლის, რედლერის, ტრანსპორტიორების და ელევატორის გამართულ მუშაობას;

** უზრუნველყოს ხარისხიანი მშრალი თიხის გამოშვება და თიხის სილოსების მომსახურება;

** სარემონტო სამუშაოებში მონაწილეობის მიღება, აღმოჩენილი გაუმართაობების შემთხვევაში ცვლის უფროსის ინფორმირება;

** კომპანიის სამუშაო ტერიტორიაზე არსებული და მოქმედი შრომის უსაფრთხოების წესებისა და რეგულაციების დაცვა.

სასურველია გქონდეთ:

** სასურველია ტექნოლოგიური პროცესის ცოდნა;

** სასურველია მცირე მექანიკური სამუშაოების ცოდნა;

** სასურველია სამართავი აგრეგატების პარამეტრების ცოდნა;

** ნედლეული მასალის (თიხის) ფიზიკური სპეციფიკაციის ცოდნა;

** ანალიტიკური აზროვნების უნარი;

** პასუხისმგებლობის გრძნობა;

** პუნქტუალურობა.

ჩვენ გთავაზობთ:

** ტრენინგებს სამუშაოს კვალიფიციურად შესასრულებლად;

** კომპანია უზრუნველყოფს უფასო კვებას;

** ჯანმრთელობის კერძო დაზღვევას საუკეთესო პირობებით;

** უფასო ტრანსპორტირებას სამსახურამდე;

** დეკრეტული შვებულების სრული ანაზღაურება;

** ფულადი დახმარება ბავშვის შეძენის შემთხვევაში.

დაინტერესების შემთხვევაში გთხოვთ მოგვაწოდოთ თქვენი რეზიუმე ელმისამართზე: careers@cement.ge (ასევე, შეგიძლიათ შეავსოთ და გამოგვიგზავნოთ თანდართული სააპლიკაციო ფორმა).

გთხოვთ, სათაურის ველში მიუთითეთ პოზიციის დასახელება - სტაჟირება - საშრობი დოლის მემანქანე (რუსთავი)

გისურვებთ წარმატებას!

თქვენი პერსონალური მონაცემები, რომლებიც "ჰანიველ ცემენტისთვის" ხელმისაწვდომი გახდა გამოცხადებულ ვაკანსიაზე განაცხადების განხილვისას, "ჰანიველ ცემენტის" მხრიდან დამუშავდება "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. თქვენს მიერ წარმოდგენილი პერსონალური მონაცემების დამუშავების ვადა განისაზღვრება 3 წლის ვადით.

კანდიდატის პერსონალური მონაცემები, უშუალოდ იმ ვაკანსიაზე განხილვის გარდა, რომელზეც გამოიგზავნა განაცხადი, შესაძლოა შენახული და გამოყენებული იქნას თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ შპს "ჰანიველ ცემენტმა" შეწყვიტოს თქვენი პერსონალური მონაცემების დამუშავება, შეგიძლიათ, დაგვიკავშირდეთ კომპანიის საკონტაქტო ნომერზე.

გაითვალისწინეთ, რომ კანდიდატის პერსონალური მონაცემების გამოგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები დამუშავდეს ზემოაღნიშნული პირობების დაცვით.

"ჰანიველ ცემენტი" კანდიდატთა შერჩევის პროცესს ახორციელებს "დისკრიმინაციის ყველა ფორმით აღმოფხვრის შესახებ" საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.