სსიპ "ციფრული მმართველობის სააგენტო" აცხადებს ვაკანსიას: ინფორმაციული უსაფრთხოების დეპარტამენტის ინფორმაციული უსაფრთხოების პოლიტიკის სპეციალისტი / სტაჟიორი.

ორგანიზაციის შესახებ:

სსიპ ციფრული მმართველობის სააგენტოს მიზნები საჯარო მმართველობის განხორციელებისას ციფრული მმართველობის პრინციპების დანერგვის ხელშეწყობა, ფიზიკური და იურიდიული პირებისთვის სახელმწიფო სერვისების მიწოდება, ინფორმაციულ-საკომუნიკაციო ტექნოლოგიების გამოყენებისას ინფორმაციული სისტემების ურთიერთთავსებადობის უზრუნველყოფა და კანონმდებლობით განსაზღვრულ ფარგლებში ინფორმაციული უსაფრთხოებისა და კიბერუსაფრთხოების განვითარება და უზრუნველყოფაა. დღეის მდგომარეობით, სააგენტოს 40-ზე მეტი სერვისით სარგებლობს ათეულობით კერძო და საჯარო დაწესებულება.

ჩვენი სააგენტოს ფუნქციები სამი ძირითადი მიმართულებითაა განსაზღვრული:

** ციფრული მმართველობა;
** ინფორმაციული და კიბერუსაფრთხოება;
** ინფორმაციულ-ტექნოლოგიური მხარდაჭერა.

სამსახურის ადგილმდებარეობა: ქ. თბილისი
სამუშაოს ტიპი: სრული განაკვეთი
თანამდებობრივი სარგო: განისაზღვრება კანდიდატის კომპეტენციისა და გამოცდილების შესაბამისად

ძირითადი ფუნქცია-მოვალეობები:

** კრიტიკული ინფორმაციული სისტემის სუბიექტებისგან შემოსული დოკუმენტაციის განხილვა და რეკომენდაციების გაცემა, ასევე დანერგვის და აუდიტის პროცესში მონაწილეობა;
** გუნდის წამყვანი წევრებისთვის მხარდაჭერა შემდეგი ფუნქციების შესრულებისას:
** ინფორმაციული უსაფრთხოების სტანდარტების და პროცედურების ლოკალიზაცია და შემუშავება;
** საკონსულტაციო მომსახურებების გაწევა კრიტიკული ინფორმაციული სისტემის სუბიექტებისთვის;
** ცნობიერების ამაღლების და სატრენინგო სამუშაოებში მონაწილეობის მიღება;
** საერთაშორისო რეგულაციების, სტანდარტების ანალიზი და ლოკალიზაცია;
** ინფორმაციული უსაფრთხოების სატრენინგო მოდულების მომზადება და ტრენინგების ჩატარება;
** დანერგვის, აუდიტის და საკონსულტაციო პროექტების განხორციელება;
** ორგანიზაციის მიერ ინიცირებული პროცედურების შემუშავება;
** კრიტიკული ინფორმაციული სისტემის სუბიექტების მიერ წარმოებული შიდა სამსახურებრივი დოკუმენტაციის განხილვა, კანონმდებლობასთან შესაბამისობის შემოწმება და რეკომენდაციების ჩამოყალიბება;
** კომპეტენციის ფარგლებში ინფორმაციული უსაფრთხოების, მათ შორის, პერსონალური მონაცემების დაცვის უზრუნველყოფა;

საკვალიფიკაციო მოთხოვნები:

** უმაღლესი განათლება, სასურველია ინფორმაციული უსაფრთხოების, ინფორმაციული ტექნოლოგიების, ბიზნეს ადმინისტრირების ან იურიდიული მიმართულებით.
** 2-3 წლიანი სამუშაო გამოცდილება ინფორმაციული უსაფრთხოების მიმართულებით (სტაჟიორის შემთხვევაში განვიხილავთ კანდიდატებს სამუშაო გამოცდილების გარეშე);
** ISO მართვის სისტემების, რისკების მართვის ცოდნა;
** ინგლისური ენის ცოდნა (B2).

უნარ-ჩვევები:

** შედეგზე ორიენტაცია;
** პროფესიულ განვითარებაზე ზრუნვა;
** გუნდური მუშაობა;
** მოქნილობა და ცვლილებებთან ადაპტირება;
** ინფორმაციის/მონაცემთა ანალიზი.

განაცხადის გაკეთება:

დაინტერესების შემთხვევაში, 2025 წლის 12 ოქტომბრის ჩათვლით, გამოგზავნეთ თქვენი რეზიუმე ელექტრონულ ფოსტაზე - vacancy@dga.gov.ge

მეილის subject-ში მიუთითეთ ვაკანსიის დასახელება - "ინფორმაციული უსაფრთხოების პოლიტიკის სპეციალისტი".

დაკავშირება მოხდება მხოლოდ შერჩეულ კანდიდატებთან.

მოცემულ კონკურსზე რეზიუმეს გამოგზავნით კანდიდატი ადასტურებს, რომ იცნობს და ეთანხმება ვაკანსიის განაცხადში მოცემულ ფუნქციებსა და პირობებს. ასევე, ის თანახმაა, მის რეზიუმეში მოცემული პერსონალური მონაცემები, "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად, დამუშავდეს კონკურსის მიზნებისთვის.