ააიპ "საქართველოს პროფესიული და ინკლუზიური განათლების განვითარების ასოციაცია" აცხადებს ვაკანსიას სოფელ ნახიდურის შეზღუდული შესაძლებლობის მქონე პირთა სარეაბილიტაციო და სოციალური ადაპტაციის დღის ცენტრში სტაჟიორი პედაგოგის პოზიციაზე.

სტაჟირება ანაზღაურებადია და მოიცავს 2 (ორი) თვეს, კვირაში 2 (ორი) დღე 9:00 საათიდან - 16:00 საათამდე.

სოფელ ნახიდურის (ბოლნისის მუნიციპალიტეტი) დღის ცენტრი ემსახურება 6-დან 18 წლამდე ასაკის შეზღუდული შესაძლებლობის მქონე ბავშვებსა და მოზარდებს.

დღის ცენტრის მიზანია, ინდივიდუალური შესაძლებლობების გათვალისწინებით, სსსმ და შშმ ბავშვთა და მოზარდების სოციალური მდგომარეობის გაუმჯობესება და საზოგადოებაში ინტეგრაციის ხელშეწყობა.

ასოციაცია, სტაჟიორი პედაგოგის შერჩევისას უპირატესობას მიანიჭებს გრძელვადიან თანამშრომლობაზე ორიენტირებულ კანდიდატს. სტაჟირების დროის 2 (ორი) თვის პერიოდში ასოციაცია მოახდენს სტაჟიორზე დაკვირვებას და ასევე მის კვალიფიკაციის / უნარ-ჩვევების ამაღლებას, სურვილის შემთხვევაში დღის ცენტრში სრული განაკვეთით დასაქმებისთვის .

ძირითადი მოვალეობები:

** ბენეფიციარებთან ინდივიდუალური და ჯგუფური მუშაობის წარმართვა;
** ბენეფიციარების ფუნქციური, სოციალური, საყოფაცხოვრებო და აკადემიური უნარების განვითარება და ჩვევების ჩამოყალიბების ხელშეწყობა;
** ბენეფიციართა მდგომარეობაზე მუდმივი დაკვირვება, ზრუნვა და კონტროლი, თითოეული ბენეფიციარისათვის განვითარების ინდივიდუალური ჰაბილიტაციის/რეაბილიტაციის პროგრამით გათვალისწინებული აქტივობების შესაბამისად;
** თითოეულ ბენეფიციართან ინდივიდუალურად და ჯგუფურად დასახული ამოცანების შესრულება, მათი შეფასებისათვის საჭირო სისტემის დანერგვა;
** ბენეფიციარებში არსებული პოტენციალის გამოვლენა და ამ რესურსების მაქსიმალურად ეფექტურად გამოყენება;
** ცენტრის ადმინისტრაციასთან კოორდინაციით მშობლებთან/მეურვეებთან კონსულტაციების წარმართვა;
** ორგანიზაციისა და პროგრამის შინაგანაწესით და შიდა რეგულაციებით მოთხოვნილი დოკუმენტაციის წარმოება.

სავალდებულო უნარ-ჩვევების ცოდნა და გამოცდილება:

** პროფესიული ან/და უმაღლესი განათლება, სასურველია სოციალურ მეცნიერებათა სფეროში (ფსიქოლოგია, მედიცინა, პედაგოგიკა, საბავშვო ბაღის აღმზრდელი);
** ქართული ენის სრულყოფილად ფლობა (წერა, კითხვა, მეტყველება), (უპირატესობა მიენიჭება აზერბაიჯანული ენის ცოდნას. მაგრამ, არა სავალდებულოა);
** კარგი კომუნიკაციის უნარი, კონფლიქტების გადაჭრისა და გუნდური მუშაობის უნარ-ჩვევები;
** შემოქმედებითი აზროვნება;
** კეთილსინდისიერება;
** შშმ პირებთან მუშაობის გამოცდილება, სასურველია;
** სასურველია კარგად, ფლობდეს კომპიუტერულ უნარ-ჩვევებს.

დაინტერესების შემთხვევაში:ბ გთხოვთ გამოაგზავნოთ თქვენი CV (რეზიუმე/ავტობიოგრაფია), სამოტივაციო წერილი, ელ. ფოსტაზე: ngo.pidea@gmail.com და "თემაში" მიუთითეთ სტაჟიორი პედაგოგის ვაკანსია.

დამატებითი კითხვებისათვის დაგვიკავშირდით - ტელ: 598912297; 593916682;