"საქართველოს ეროვნული ბანკი" აცხადებს სტაჟირების კონკურსს მცირე და საშუალო საკრედიტო რისკების განყოფილებაში

დეპარტამენტი: სპეციალიზებული რისკების დეპარტამენტი

განყოფილება: მცირე და საშუალო საკრედიტო რისკების განყოფილება

პოზიცია: სტაჟიორი

შესარჩევი სტაჟიორის რაოდენობა: 2

ანაზღაურება: თვეში 1200 ლარი (დარიცხული)

სტაჟირების ხანგრძლივობა: 6 თვემდე ვადით

დეპარტამენტის ამოცანებია: ფინანსურ სისტემაში ზედამხედველობას დაქვემდებარებული ფინანსური ინსტიტუტების მიერ კორპორატიული, მცირე და საშუალო, მიკრო და საცალო საკრედიტო რისკების იდენტიფიცირების, შეფასების და მართვის პრაქტიკების ანალიზი. საზედამხედველო მიდგომების შემუშავება, აღსრულება და განახლება, საერთაშორისო პრაქტიკასთან შესაბამისობის კუთხით.

მცირე და საშუალო საკრედიტო რისკების განყოფილების ფუნქციებია:

** მცირე და საშუალო მსესხებლების საკრედიტო პორტფელის საკრედიტო რისკების განგრძობითი შეფასება და მონიტორინგი; აღნიშნულ პროცესთან დაკავშირებული შესაბამისი საერთაშორისო პრაქტიკის მოძიება და დამუშავება;

** მცირე და საშუალო მსესხებელთა მოსალოდნელი საკრედიტო დანაკარგების და მისი განმსაზღვრელი კომპონენტების (PD, LGD, EAD და DCF) შეფასება და მაკროეკონომიკური ეფექტების განსაზღვრა, და მოდელის ვალიდაციასა და ბექტესტინგზე მუშაობა.

** მცირე და საშუალო მსესხებლების გადამხდელუნარიანების და შესაბამისი საკრედიტო რისკის კატეგორიის ადეკვატურობის შეფასება;

** მცირე და საშუალო პორტფელის მაჩვენებლების შეფასება საკრედიტო პოლიტიკის და პრუდენციული რეგულირების ნორმებთან შესაბამისობის მიზნით;

** სექტორული კვლევების მომზადება და პრეზენტაცია ორგანიზაციის შიგნით და ასევე გარე დაინტერესებულ მხარეებთან;

** მცირე და საშუალო მსესხებლების საკრედიტო რისკების იდენტიფიცირების მიზნით ზედამხედველობის დეპარტამენტებისათვის ტექნიკური დახმარების გაწევა;

სტაჟირების შესახებ: სპეციალიზებული რისკების დეპარტამენტის სტაჟიორებს შესაძლებლობა ექნებათ სტაჟირების პერიოდის განმავლობაში შეიძინონ თეორიული ცოდნა და პრაქტიკული გამოცდილება საფინანსო სისტემაში არსებული მცირე და საშუალო საკრედიტო რისკების შეფასების მიმართულებით.

სტაჟირების განმავლობაში მონაწილეებს შესაძლებლობა ექნებათ:

** გაეცნოს სპეციალიზებული რისკების დეპარტამენტის და მთლიანად, ბანკის სპეციფიკას;

** კომპეტენციის ფარგლებში, მონაწილეობა მიიღოს სხვადასხვა საკითხზე გადაწყვეტილების მომზადების პროცესში;

** გაეცნოს სამსახურებრივ დოკუმენტაციას, ისარგებლოს სათანადო ინფორმაციით (ელექტრონული საშუალებებითა და სხვა), რომელიც საჭიროა სტაჟირების პერიოდში, მენტორის მიერ განსაზღვრული დავალებების შესასრულებლად;

** დაესწროს და მონაწილეობა მიიღოს ბანკის მიერ ორგანიზებულ ღონისძიებებში, მიიღოს პრაქტიკული გამოცდილება დეპარტამენტის საქმიანობის სპეციფიკის შესაბამისად.

სტაჟირების კანდიდატისთვის განსაზღვრული მოთხოვნები:

** ბაკალავრიატის დამამთავრებელი კურსის სტუდენტი ან კურსდამთავრებული ბიზნესის ადმინისტრირების, ფინანსების ან/და ეკონომიკის მიმართულებით;

** კომპიუტერული პროგრამების ცოდნა - MS Excel - კარგად; MS Outlook - კარგად; MS PowerPoint -კარგად; MS Word - კარგად;

** უპირატესობა მიენიჭება პროგრამული ენების Python, R, SQL და მონაცემთა ვიზუალიზაციის პროგრამის Power BI-ის საბაზისო დონეზე ცოდნა;

კომპეტენციებისა და უნარები:

** მაღალი პასუხისმგებლობის გრძნობა;

** პრობლემების გადაჭრის უნარი;

** ანალიტიკური და შემოქმედებითი აზროვნების უნარი;

** ემოციური გაწონასწორებულობა;

** კომუნიკაბელურობა;

** გუნდთან ეფექტურად მუშაობის უნარი;

** სტრატეგიული და კომპლექსური აზროვნების უნარი;

სტაჟიორის შერჩევის პროცესი:

** პირველი ეტაპი: განაცხადების შეფასება და განაცხადით განსაზღვრულ ფორმალურ მოთხოვნებთან შესაბამისობის დადგენა;

** მეორე ეტაპი: წერითი დავალება, მისი განხილვა და შეფასება ეროვნული ბანკის მიერ;

წერითი დავალების თემატიკა:

** ფინანსური ბაზრები და ინსტიტუტები;

** ფინანსური მენეჯმენტი;

** რისკის მართვის საფუძვლები;

მესამე ეტაპი: გასაუბრება კანდიდატებთან, რომლებიც წარმატებით გადალახავენ შერჩევის მეორე ეტაპს.

კანდიდატი, რომელიც სტაჟიორად 3 თვეზე მეტი ვადით ინიშნება, "საქართველოს ეროვნული ბანკის თანამშრომლის და თანამშრომლად მისაღები პირის შესახებ დამატებითი ინფორმაციის შესწავლის წესის" შესაბამისად ბანკის უფლებამოსილ პირთან გადის გასაუბრებას და ავსებს კითხვარს.

სტაჟირების კონკურსში მონაწილეობის მისაღებად დაინტერესებულმა კანდიდატებმა 2025 წლის 30 აპრილის ჩათვლით ელ-ფოსტაზე: Internship@nbg.gov.ge უნდა გამოაგზავნონ:

რეზიუმე (CV).

რეზიუმეს გამოგზავნისას სათაურის ველში მიუთითეთ შემდეგი ტექსტი "სტაჟირება - მცირე და საშუალო საკრედიტო რისკების განყოფილებაში".

შერჩეული კანდიდატი ვალდებულია შერჩევიდან არაუმეტეს 5 სამუშაო დღის ვადაში ეროვნულ ბანკში წარმოადგინოს შემდეგი დოკუმენტები:

** პირადობის დამადასტურებელი მოწმობის ასლი;

** უმაღლესი განათლების დამადასტურებელი დოკუმენტი ან ცნობა უმაღლესი საგანმანათლებლო დაწესებულებიდან;

** ერთი ელექტრონული ფოტო.

გაცნობებთ, რომ თქვენს მიერ გადმოგზავნილი პერსონალური მონაცემები ეროვნული ბანკის მიერ დამუშავდება "პერსონალურ მონაცემთა დაცვის შესახებ" საქართველოს კანონის შესაბამისად.