იურიდიული ფირმა "GLCC" 18 წელია მოღვაწეობს სამართლებრივი მომსახურების სფეროში და წამყვანი კომპანიაა კორპორაციული და სამოქალაქო სამართლის მიმართულებით.

ჩვენი კლიენტები არიან წამყვანი ფინანსური ინსტიტუტები, მრავალმილიონიანი საინვესტიციო ფონდები, მსხვილი დეველოპერული კომპანიები, დიდი სასოფლო-სამეურნეო, მძიმე და მსუბუქი მწარმოებლები, საკომუნიკაციო და ტექნოლოგიური კომპანიები, საერთაშორისო არასამთავრობო ორგანიზაციები და სახელმწიფო დაწესებულებები.

"GLCC"-ის იურისტები აქტიურად მონაწილეობდნენ მასშტაბურ ტრანზაქციებთან დაკავშირებულ მოლაპარაკებებში, სამართლებრივი შეფასებებისა და ხელშეკრულებების მომზადებაში, მრავალმილიონიანი შესყიდვებისა და სესხის ხელშეკრულებების მომზადებაში, კორპორაციული მოქმედებების შესრულებაში (შერწყმა/რეორგანიზაცია/დაფუძნება), სამშენებლო, ჯანდაცვის, ტურიზმის და საკომუნიკაციო სექტორში სხვადასხვა სახის ლიცენზიის მოპოვების პროცესში, ბუნებრივი რესურსების მოპოვებისთვის/გამოყენებისთვის ნებართვების მოპოვების პროცესში და სხვა.

"GLCC"-ის პარტნიორები რეგულარულად არიან ჩართულები კანონშემოქმედებით და აკადემიურ საქმიანობაში, ფირმა არის საქართველოს იურიდიული ფირმების ასოციაციის წევრი, ისევე როგორც რამდენიმე მსხვილი ბიზნეს გაერთიანების წევრი, იგი აქტიურად მონაწილეობს ბიზნესთან დაკავშირებულ საზოგადოებრივ საქმიანობაში და რეგულარულად ხვდება მსოფლიოს იურიდიული ფირმების ავტორიტეტული შემფასებლის legal500.com -ის რეიტინგებში.

დამატებით ინფორმაციას შეგიძლიათ გაეცნოთ კომპანიის ვებგვერდს მისამართზე: http://www.glcc.ge

ვაცხადებთ სტაჟირებას (ანაზღაურებადი) იურისტის თანაშემწის თანამდებობაზე სამომავლო დასაქმების პერსპექტივით

მისამართი: ქ. თბილისი, სულხან ცინცაძის ქუჩა N58

საკვალიფიკაციო მოთხოვნები:

** უმაღლესი იურიდიული განათლება;

** გამართული წერითი (სამართლებრივი წერა) და ვერბალური კომუნიკაცია;

** ინგლისურ ენაზე მოლაპარაკების წარმოების უნარი და დოკუმენტაციასთან მუშაობის გამოცდილება (შედგენა/ცვლილებების შეტანა) (სხვა დამატებითი უცხო ენის ცოდნა ჩაითვლება უპირატესობად);

** საოფისე კომპიუტერული პროგრამების ცოდნა.

პიროვნული თვისებები:

** პასუხისმგებლობიანი;

** მოწესრიგებული;

** მოტივირებული;

** დეტალებზე ორიენტირებული;

** სხარტი აზროვნების მქონე;

** დამოუკიდებლად, ისევე როგორც გუნდში მუშაობის უნარი.

ძირითადი მოვალეობები:

** ხელშეკრულებებისა და სხვა სამართლებრივი დოკუმენტაციის (განცხადებები, შეთანხმებები, მინდობილობები, საჩივრები, სარჩელები და სხვა) მომზადება/მომზადების პროცედურაში მონაწილეობის მიღება; როგორც ქართულ, ასევე უცხო ენაზე;

** კომპანიის ადგილობრივ და უცხოელ კლიენტებთან კომუნიკაცია და მათთვის კომპეტენციის ფარგლებში იურიდიული კონსულტაციის გაწევა;

** სასამართლო დავებთან დაკავშირებულ საქმიანობაში მონაწილეობა, წარმომადგენლობა;

** კორესპონდენციის წარმოება კომპანიის კლიენტებთან ან/და მესამე პირებთან;

** კორპორაციული დოკუმენტაციის (სადამფუძნებლო შეთანხმება, წესდება, აქციონერთა კრების ოქმები, პარტნიორთა გადაწყვეტილებები) მომზადება, ცვლილებების შეტანა, მეწარმეთა და არასამეწარმეო იურიდიულ პირთა რეესტრში რეგისტრაცია.

კომპანია სთავაზობს თავის დამსაქმებლებს, ღირსეულ და კონკურენტულ სამუშაო პირობებს და ანაზღაურებას, სამედიცინო დაზღვევას და სხვა სახის შრომით სარგებელს.

აპლიკანტებს ვთხოვთ წერილის სათაურის ველში მიუთითონ "სტაჟიორი - იურისტი".

დაინტერესებულმა პირებმა უნდა გამოაგზავნონ რეზიუმე შემდეგ ელფოსტაზე: info@glcc.ge. რეზიუმე მიიღება 15 მარტის ჩათვლით