სადაზღვევო კომპანია "უნისონი" 2011 წლიდან წარმატებით ოპერირებს ქართული სადაზღვევო ბაზარზე. ჩვენი მისიაა ყოველდღიურად მზარდი რისკების ფონზე უზრუნველვყოთ საკუთარი მომხმარებლების სტაბილურობა და სიმშვიდე, ვიზრუნოთ მათ ჯანმრთელობაზე.

სს "სადაზღვევო კომპანია უნისონი" აცხადებს სტაჟირებას იურიდიულ დეპარტამენტში.

სტაჟირების ხანგრძლივობა: 3-დან 6 თვემდე (დასაქმების პერსპექტივით)

სამუშაო ადგილი: თბილისი, დ. გამრეკელის 19

სამუშაო განაკვეთი: სრული

სამუშაო საათები: 09:30 - 18:30

რას გააკეთებ:

** მონაწილეობას მიიღებ ორგანიზაციებთან, ფიზიკურ პირებთან გასაფორმებელი ხელშეკრულებების მომზადებაში;

** ისწავლი ხელშეკრულებების რეგისტრაციას, დაარქივებას;

** მონაწილეობას მიიღებ ორგანიზაციებიდან, მოქალაქეებისგან მიღებული საჩივრების, კორესპონდენციის განხილვაში და პასუხის მომზადებაში კომპეტენციის ფარგლებში;

** ჩაერთვები ბრძანებებისა და ინსტრუქციების მომზადებაში;

** მონაწილეობას მიიღებ სარჩელების მომზადებაში;

** გაეცნობი და ჩაერთვები სასამართლო და სააღსრულებო წარმოებაში.

მნიშვნელოვანია:

** გქონდეს უმაღლესი იურიდიული განათლება (ბაკალავრი) ან იყო იურიდიული ფაკულტეტის მეოთხე კურსის სტუდენტი;

** იცოდე საქართველოს კანონმდებლობა;

ჩვენ გთავაზობთ:

** გამოცდილ გუნდთან ერთად მუშაობის შესაძლებლობას;

** პროფესიული განვითარების შესაძლებლობას;

** დასაქმების პერსპექტივას;

თუ დაგაინტერესა ამ პოზიციამ და თვლი რომ მზად ხარ საინტერესო გამოწვევებისთვის გამოგვიგზავნე რეზიუმე შემდეგ ელ.მისამართზე: vacancy@unison.ge და სათაურის ველში მიუთითე პოზიციის დასახელება: "სტაჟირება იურიდიულ დეპარტამენტში".

"უნისონი" მადლობას გიხდით ვაკანსიით დაინტერესებისათვის და წარმატებას გისურვებთ!

სს "სადაზღვევო კომპანია უნისონი", ვაკანსიაზე შესაბამისობის დადგენისა და შრომითი ურთიერთობის დამყარების მიზნით, ახორციელებს პრეტენდენტის პერსონალური მონაცემის დამუშავებას "პერსონალურ მონაცემთა დაცვის შესახებ" საქართველოს კანონის მოთხოვნათა დაცვით. ვაკანსიაზე გამოგზავნილი რეზიუმე და სხვა დოკუმენტები ავტომატურად ხვდება კომპანიის მონაცემთა ბაზაში და ინახება 2 წლის განმავლობაში. ამასთან, კანდიდატისთვის შესაძლებელია შეთავაზებულ იქნეს სხვა, მისთვის უფრო რელევანტური პოზიცია, ასეთის არსებობის შემთხვევაში.

რეზიუმეს დამსაქმებლისთვის გაგზავნის გზით პრეტენდენტი თავისი პერსონალური მონაცემების დამუშავებაზე თანხმობას ავტომატურად აცხადებს. იმ შემთხვევაში თუ კანდიდატს არ სურს თავისი პერსონალური მონაცემები დამუშავებულ იქნეს კომპანიის მიერ აუცილებელია წერილობით მოგვმართოს და მოითხოვოთ მათი ცვლილება ან წაშლა.